ಕೊಪ್ಪಳ : ಇದೇ ದಿನಾಂಕ 18ರಂದು ನಡೆಯಲಿರುವ ಪೈಗಂಬರ್ ಪ್ರವಾದಿ ಮುಹಮ್ಮದ್ (ಸ)ರವರ 15೦೦ನೇ ಜನ್ಮ ದಿನೋತ್ಸವ ನಿಮಿತ್ತ ಹಮ್ಮಿಕೊಂಡಿರುವ ವಿಶ್ವ ಶಾಂತಿ ಸಂದೇಶ ಕಾರ್ಯಕ್ರಮದ ಪೂರ್ವಸಿದ್ಧತೆಗಳನ್ನು ಸಂಘಟಕರು ಪರಿಶೀಲಿಸಿದರು.
ಕೆಪಿಸಿಸಿ ಸಂಯೋಜಕರು ಹಾಗೂ ಕೆಎಂಎಸ್ ಸಮೂಹದ ಅಧ್ಯಕ್ಷರಾದ ಡಾ.ಕೆ.ಎಂ.ಸೈಯದ್ ನೇತೃತ್ವದಲ್ಲಿ ಇಂದು ಕಾರ್ಯಕ್ರಮದ ಸಿದ್ಧತೆಗಳನ್ನು ಪರಿಶೀಲನೆ ನಡೆಸಿದರು.
ನಗರದ ತಾಲೂಕ ಕ್ರೀಡಾಂಗಣದಲ್ಲಿ ಬೃಹತ್ ವೇದಿಕೆಯನ್ನು ನಿರ್ಮಿಸಲಾಗುತ್ತಿದ್ದು ವೇದಿಕೆಯ ಸಿದ್ಧತೆಗಳನ್ನು ಹಾಗೂ ಮಾಡಲಾಗುತ್ತಿರುವ ಎಲ್ಲಾ ವ್ಯವಸ್ಥೆಗಳನ್ನು ಪರಿಶೀಲನೆ ನಡೆಸಲಾಯಿತು.
ಇದೇ ತಿಂಗಳ18ರಂದು ಸಂಜೆ ನಡೆಯಲಿರುವ ಕಾರ್ಯಕ್ರಮದಲ್ಲಿ ಕೊಪ್ಪಳ ರಾಯಚೂರ್ ಗದಗ್ ವಿಜಯನಗರ ಬಳ್ಳಾರಿ ಜಿಲ್ಲೆಯಿಂದ ಲಕ್ಷಾಂತರ ಜನ ಈ ಕಾರ್ಯಕ್ರಮಕ್ಕೆ ಆಗಮಿಸಲಿದ್ದು ಈ ಕಾರ್ಯಕ್ರಮಕ್ಕೆ ಕೊಪ್ಪಳದ ಸರ್ವ ಸಮುದಾಯದವರು ಸರ್ವ ಸಮಾಜದವರು ಬಂದು ಭಾಗವಹಿಸಿ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಬೇಕು ಎಂದು ಡಾ.ಕೆ.ಎಂ ಸೈಯದ್ ಮನವಿ ಮಾಡಿದರು.
ಈ ಸಂದರ್ಭದಲ್ಲಿ ಮುಖಂಡರಾದ ಖತೀಬ್ ಭಾಷು. ನಗರಾಭಿವೃದ್ಧಿ ಪ್ರಾಧಿಕಾರದ ಸದಸ್ಯರು, ಹೈದರ್ ಪೀಠ ನೀಲಂಗ, ಮಹಾರಾಷ್ಟ್ರ, ಮೆಹಬೂಬ್ ಅರಗಂಜಿ ನಗರಸಭಾ ಸದಸ್ಯರು, ಯಜ್ದನಿ ಖಾದ್ರಿ, ಶಫಿ, ಮೆಹಬೂಬ ಮಚ್ಚಿ, ಅಹ್ಮದ್ ಸಿದ್ದೀಕಿ ಸೇರಿದಂತೆ ಇತರರು ಉಪಸ್ಥಿತರಿದ್ದರು.
