ಕೊಪ್ಪಳ: ಕೊಪ್ಪಳ ಜಿಲ್ಲಾ ಕೇಂದ್ರದಲ್ಲಿ ಅಖಿಲ ಭಾರತ ವೀರಶೈವ ಲಿಂಗಾಯತ ಮಹಾಸಭಾ ಕಟ್ಟಡ ನಿರ್ಮಿಸಲು ಸಿಎ ನಿವೇಶನ ಖರೀದಿಸಲು ಸಹಾಯ ಸಹಕಾರ ನೀಡುವಂತೆ ಕೊಪ್ಪಳ ತಾಲೂಕು ವೀರಶೈವ ಲಿಂಗಾಯತ ಮಹಾಸಭಾ ಅಧ್ಯಕ್ಷ ನಾಗಭೂಷಣ್ ಸಾಲಿಮಠ ಮನವಿ ಮಾಡಿದರು.
ಅವರು ಕೊಪ್ಪಳ ನಗರದಲ್ಲಿ ಮುಖಂಡರಾದ ಸುರೇಶ್ ಭೂಮರೆಡ್ಡಿ, ರಾಜಶೇಖರ್ ಪಾಟೀಲ್ ಅವರ ನಿವಾಸಕ್ಕೆ ವೀರಶೈವ ಲಿಂಗಾಯತ ಮಹಾಸಭಾ ಮುಖಂಡರೊಂದಿಗೆ ತೆರಳಿ ಮಾತನಾಡಿ ಎಲ್ಲರೂ ಸಹಕರಿಸಿದರೆ ನಿವೇಶನ ಖರೀದಿಸಲು ಸಾಧ್ಯವಾಗುತ್ತದೆ ಎಂದು ಮನವಿ ಮಾಡಿದರು
ಈ ಸಂದರ್ಭದಲ್ಲಿ ಕೊಪ್ಪಳ ಜಿಲ್ಲಾ ವೀರಶೈವ ಲಿಂಗಾಯತ ಮಹಾಸಭಾ ಅಧ್ಯಕ್ಷ ಕಳಕನ ಗೌಡ ಪಾಟೀಲ್, ಮುಖಂಡರಾದ ಉಮೇಶ್ ಎತ್ತಿನಮನಿ, ನೀಲಕಂಠಯ್ಯ ಹಿರೇಮಠ, ರಾಜು ಶೆಟ್ಟರ್, ಶರಣಪ್ಪ ಹ್ಯಾಟಿ, ವೆಂಕಯ್ಯ ಹಿರೇಮಠ್, ಮಹಿಳಾ ಘಟಕದ ಜಿಲ್ಲಾಧ್ಯಕ್ಷ ವಿಜಯಲಕ್ಷ್ಮಿ, ಶಿವಪುತ್ರಪ್ಪ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.
