‌ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘ : ಶೀಘ್ರ ಸುಸಜ್ಜಿತವಾದ ಕಟ್ಟಡ, ಸಂಪೂರ್ಣ ಗಣಕೀಕರಣ : ರಾಜಶೇಖರ ಗೌಡ ಆಡೂರು

ಕೊಪ್ಪಳ: ಶೀಘ್ರದಲ್ಲಿ ಸುಸಜ್ಜಿತವಾದ ಕಟ್ಟಡ, ಸಂಘದ ವ್ಯವಹಾರವನ್ನು ಸಂಪೂರ್ಣವಾದ ಗಣಕೀಕರಣಗೊಳ್ಳುವುದು ಎಂದು ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದ ಅಧ್ಯಕ್ಷ ರಾಜಶೇಖರಗೌಡ ಆಡೂರ ಹೇಳಿದರು
ಅವರು ನಗರದ ಕೇತೇಶ್ವರ ಕಲ್ಯಾಣ ಮಂಟಪದಲ್ಲಿ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದ 49ನೇ ವಾರ್ಷಿಕ ಮಹಾಸಭೆಯ ಉದ್ಘಾಟಿಸಿ ಮಾತನಾಡಿ
ಸಂಘ 1976-77 ರಿಂದ ಇಲ್ಲಿವರೆಗೂ 49 ವಸಂತಗಳನ್ನು ಪೂರೈಸಿ ಸರ್ವಸದಸ್ಯರ ಬಾಳಿಗೆ ಕಣ್ಣಾಗಿ ನಿಂತದೆ ಎಂದು ಹೇಳಲು ನಮಗೆ ಹೆಮ್ಮೆಯೆನಿಸುತ್ತದೆ. ಪ್ರತಿವರ್ಷ ಪ್ರಗತಿ ಹೊಂದಿ ಎಲ್ಲ ರೀತಿಯ ಯಶಸ್ಸುಗಳಿಸಿ ಮುನ್ನಡೆಯುತ್ತಿದ್ದು, ಪ್ರಸಕ್ತ, ಸಾಲಿಗೆ ಮೂರನೇಯ ಬಾರಿಗೆ ಶೇ. 6% ರಷ್ಟು ಡಿವಿಡೆಂಡ್ ಪಾವತಿಸಲು ಕಾರ್ಯಕಾರಿ ಮಂಡಳಿಯವರು ಶಿಫಾರಸ್ಸು ಮಾಡಿರುತ್ತಾರೆ. ಕಾರಣ ಇದು ಅಭಿವೃದ್ಧಿಯ ಸಂಕೇತವಾಗಿದ್ದು, ಸಂಘದ ಸದಸ್ಯರ ಸಂತುಷ್ಟತೆಯೇ ಸಂಘದ ಪ್ರಗತಿಯ ಅಳತೆಗೋಲು ಎಂದು ಭಾವಿಸಿರುವ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘ ನಿಯಮಿತ, ಕೊಪ್ಪಳ ಈ ನಿಟ್ಟಿನಲ್ಲಿ ಸಮರ್ಪಕವಾಗಿ ಕಾರ್ಯನಿರ್ವಹಿಸಬೇಕಾದರೆ ಸಂಘದ ಸ್ವಂತ ಬಂಡವಾಳವನ್ನು ಹೆಚ್ಚಿಸಬೇಕಾಗಿದ್ದು, ಎಲ್ಲಾ ಸದಸ್ಯರು ಸಂಘದಲ್ಲಿ ಹೆಚ್ಚಿನ ಶೇರು ಮೊತ್ತ ಮತ್ತು ಠೇವಣಿಗಳನ್ನು ತೊಡಗಿಸಿಕೊಂಡಲ್ಲಿ ಸಂಘದ ಸಂಪನ್ಮೂಲ ಕ್ರೂಢೀಕರಣಗೊಂಡು, ಸಂಘ ಸದೃಢವಾಗಿ ಹೆಚ್ಚಿನ ಪ್ರಮಾಣದಲ್ಲಿ ಸಾಲಗಳನ್ನು ವಿತರಿಸಬಹುದಾಗಿದೆ. 2024-25ನೇ ಸಾಲಿನಲ್ಲಿ ಸಂಘವು ಹಾಕಿಕೊಂಡ ಗುರಿಗಳನ್ನು ಸಾಧಿಸಲು ಸಹಾಯ ಸಹಕಾರ ಅವಶ್ಯವಾಗಿದ್ದು ಸಂಘವು ಮುಂದಿನ ದಿನಗಳಲ್ಲಿ ಸಂಘದ ಎಲ್ಲಾ ಸದಸ್ಯರಿಗೆ ವಿವಿಧ ರೀತಿಯ ಸಾಲ ಸೌಲಭ್ಯಗಳನ್ನು ಒದಗಿಸುವ ಮೂಲಕ ಸಂಘದ ವ್ಯವಹಾರವನ್ನು ಹೆಚ್ಚಿಸುವುದು. ನಮ್ಮ ನಿಮ್ಮೆಲ್ಲರ ಆದ್ಯತೆಯ ಗುರಿಯಾಗುವುದರ ಮೂಲಕ ಸಂಘದ ಬೆಳವಣಿಗೆಗೆ ತಮ್ಮ ಸಲಹೆ ಸೂಚನೆ, ಮಾರ್ಗದರ್ಶನದಿಂದ ಉತ್ತಮ ಕಾರ್ಯನಿರ್ವಹಿಸಲು ಪ್ರೋತ್ಸಾಹಿಸುತ್ತೀರೆಂದು ನಂಬಿರುತ್ತೇನೆ ಎಂದರು.
ಈ ಸಂದರ್ಭದಲ್ಲಿ ಉಪಾಧ್ಯಕ್ಷ ಅಬ್ದುಲ್ ಲತೀಫ್ ಖತೀಬ್, ನಿರ್ದೇಶಕರಾದ ವಿಶ್ವನಾಥ್ ಅಗಡಿ, ಮುಕ್ಕಣ್ಣ ಹೊಸಗೇರಿ, ಗವಿಸಿದ್ದನಗೌಡ ಅಂಗಡಿ, ದೇವಪ್ಪ ಸೋಂಪುರ, ಶಿವಾನಂದಪ್ಪ ಮೆತ್ತಗಲ್, ಪ್ರಭುಗೌಡ ಈಶ್ವರಗೌಡ, ಅಜೇಯ್ ದೊಡ್ಡಮನಿ, ಬಸವರಾಜ್ ಬಂಡಿ, ಪವಿತ್ರ ಹಿರೇಮಠ್, ರಾಬಿಯಾ ಬೇಗಂ ಆದೋನಿ, ಬ್ಯಾಂಕ್ ಪ್ರತಿನಿಧಿ ಚಂದ್ರಶೇಖರ್ ಪಾಟೀಲ್ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಆರ್. ವಿ. ಹಿರೇಮಠ್ ಹಾಗೂ ಶೇರುದಾರರು, ಠೇವಣಿದಾರರು ಉಪಸ್ಥಿತರಿದ್ದರು.